Marius van Dokkum ©2005 Art Revisited, Tolbert
Ze springt nogal es uut de band,
mot en zal op stage noar t butenland.
Ken doar n fiets van school bruken,
wil der vot met stad ienduken.
Fietsen over stoep is hier verboden.
Woarschauwd is ze stroat opvlogen.
Ja, ook nog n lekke band.
Doar staait ze den met fiets aan kant.
Bie fietsemoaker hemmen ze gien tied.
“Zet doar mor hen tot etenstied”.
“As joe m doalek niet kennen plakken
wil je mie den wat gereedschap pakken?”
Ze zet zunder gemier of getob
fiets ien één slag op e kop
en plakt doar ien t butenland
met veul bekieks n binnenband.
Coby Poelman-Duisterwinkel
Het kunstwerk is van Marius van Dokkum
Geen opmerkingen:
Een reactie posten