Geboortekoartje

Och moeke,

kon joe nog mor even zain

wat wie veur klaainkiend kregen,

hai liekt op mie,
die foto

woar k op dat fietske zat

dat Reinder moakte,
k haar n aarmbaand om
van plestik abrokralen.

Och kon joe t jonkje
nog mor even zain,

wat zol joe glunderd hemmen

met troanen ien ogen

en trillende lip

om zo’n mooi

achterklainkiend.

Wat zol joe blied west weden.

As ik dat popke zai

denk ik steevast aan joe,

mien laive moe.

Doe moeke, doe!

Coby Poelman - Duisterwinkel