Laid 98 uut Johannes de Heer, vertoaling

Soamen ien de noam van Jezus,
heffen wie een loflaid aan,
want de Geest spreekt alle toalen
en loat ons mekoar verstoan.
Soamen bidden, soamen zuiken,
noar het plan van onze Heer.
Soamen zingen en getugen,
soamen leven tot Zien eer.

Heul de wereld mot het waiten
dat God nait veraanderd is.
En zien laifde as een lichtstroal
deurdringt ien de duusternis.
't Waark van God is nait te keren
omdat Hai derover woakt,
en de Geest doorbreekt de grenzen
dai deur mensen bennen ontstoan.

Pries de Heer, de weg is open
noar de Voader, noar mekoar.
Jezus Christus, Triomfoator,
mien Verlösser, Middeloar.
Voader, met geheven handen
breng ik Joe mien dank en eer.
't Is Joen Geest dai mie loat zingen:
Jezus Christus is de Heer!

Vertaald door Coby Poelman-Duisterwinkel

Laid 256 uut Johannes de Heer (Op verzuik vertoald)

1
As op levenszee de störmwiend om joe luijt.
As men touvergees zien aarme hart vermuit.
Tel joen zegeningen tel ze ain veur ain
en joe zeggen verwonderd: Hai lait noeit alain.

Refrain:

Tel joen zegeningen. Tel ze ain veur ain.
Tel ze aalmoal en vergeet gain ain.
Tel ze aalmoal, neum ze ain veur ain,
en joe zellen Gods laifde den deur alles zain.

2
Drukken levenszörgen joe söms zwoar terneer.
Liekt het kruus te zwoar veur joe, zeg t tegen de Heer,
Tel joen zegeningen, wil op Jezus zain,
den zal t hart goan zingen en de zörgen goan.

Refrain:

3
As men kiekt noar andern met veul geld en goud,
Wait joen Hemelvoader geft joe overvloud.
Tel joen zegeningen, veur gain geld te koop.
Schatten ien de hemel bennen joen bliedste hoop.

Refrain:

4
Zo ien alle muijten, zörgen zunder tal,
Wees toch noeit ontmoudigd, God is overal,
Tel joen zegeningen, Engeln luustern tou,
Troost en hulp geft Hai joe, volg met blied gemoud.

Refrain:

Op verzoek vertaald. Coby Poelman-Duisterwinkel