Beet!

Ze zitten op e steiger
en hemmen t over vissen.
Zai fluustert; kiek n reiger
mor k ken mie ook vergissen.

Ze proaten over n stukje stoet,
vroagen mie om n hengel
wieten nog niet goed hoe het moet.
Hai knabbelt wat aan n stengel.

Ik geef ze n olle om t te leren
der zit gien hoakje aan.
Zo kennen ze zich ook niet bezeren.
Ze pakken hem greteg aan.

Goeien de hengel zunder hoak
ien t wotter votbie t riet.
t Blieft oarig rustig, wat gekroak.
Ik kiek toe en geniet.

Ieneens schreeuwt t jonkje over t wotter,
beten deur n peerdemug
vliegt noar moeke deur de modder,
t wichtje brengt mie hengel terug.

“Dobber knapte deur n snoek
t kon ook wel n karper wezen.”
Ik heb aans ien mien vissenboek
net over peerdemuggen lezen.

Coby Poelman-Duisterwinkel.