Woar ben wie ien beland

Wie kieken noar t nijs,

t ain is nog aarger dan t aander,

wie kieken noar mekoar,

woar ben wie ien beland,

wat is der loos 

dat alles zo uut haand lopt,

woar is het misgoan en

wat hangt ons nog boven kop?

Wie zeppen noa t nijs,

zain overaal ellende,

wie zuiken klassieke zender op,

wat is alles veraanderd,

de Grunnegers ben weer de klos,

och, kon wie moar weer terug

noar tieden van kroantjespot.

Coby Poelman-Duisterwinkel