Mag ik eruut?

Ik krieg t Spoans benaauwd
ien dit kedopepier
en die proppen ien mien moag
zitten mie tot hier.

Wel kreeg t ien de kop
mie zo dik ien te pakken,
ik wil eruut, ik ben t zat
te schudden ien die zakken.

Ik ben zo zaacht en mooi,
wel wil mie hier bevraiden
en gunt mie t genot
mien charmes uut te spraiden?

Verwachtingsvol met kloppend haart
roup ik gedempt tot ziens,
as ik het nait meer overleef,
ik was n tas van jeans….

Coby Poelman-Duisterwinkel