Verege tachtegers

Twai olle mensen, hai groot, zai klain,
Komst ze overal tegen.
Zien gang is onzeker want ien zien brain
is n stoorzender ien bewegen.

Zai gait veuroverbogen heur weg.
Heur scholler net boven zien middel.
Zai kinnen nait mit en nait zunder mekoar,
deurlopend klinkt heur gekibbel.

Hai mag van dokter nait meer achter t stuur.
Zai nemt dizze toak van hom over.
Nemt alle bochten hail secuur.
Zien gezelschop is nait overbodig.

“Tou moar” roupt er as t licht stait op groen.
De motor jankt en ze hobbelen voort.
Hai wiest op n bord mit “domies toen”,
Moar zai gait er nait mit accoord.

Ze binnen onderwegens noar Jeu de Boulles.
Heur honkbalpet op tegen de zun.
Hai zwaait noar de teamlaider van de poulle
“Zeg, draai doar de auto moar om”.

Twai olle mensen, hai groot, zai klain,
hai zwaaiend mit aarms en bainen.
Zai kniept heur tas mit ballen hoast fien,
het muite hom bie te bainen.

Strovveleg goeit hai n bal op t pad.
De wedstried is begonnen.
Twai olle mensen goan voldoan weer op pad.
Zai hemmen vanmiddag wonnen.

Coby Poelman-Duisterwinkel

Het kunstwerk is van Erik de Jong