Luusterbouken

Marius van Dokkum ©2005 Art Revisited, Tolbert

Hest al heurd,

ien bibeltaik

binnen luusterbouken te lain.

Kinst ze votdoalek liggen zain.

Klappers mit spaigelploatjes.

Schrievers lezen

heur bouken veur

van weerskaanten

komt t geluud deur

t is net of ze bie die

ien koamer zitten te lezen

en zulf kinst best wat

ien de weer wezen

mit stofdouk of

wat op de pennen

letst die gewoon

lekker verwennen

huifst nait meer zuiken

om dien bril,

ain druk op knop en

wereld stait stil..

kinst zulfs ien bêrre

bouken luustern

gain lamme aarm en

t kin ien duustern.

As t ais lezen wilst

ien t bad,

dizze bouken

worden nait nat..

en is der es ain zaik,

goa den moar gauw

noar bibeltaik.

Coby Poelman-Duisterwinkel.

Het schilderij is van Marius van Dokkum